Romeira-                                       
     Talbeç faga parte de ls remanses cabalheirescos antigos. Almeida Garrett tamien lo arrecolhiu, ne l sou afamado Cancioneiro. Na bezina Spanha aparece cun l nome de "La Virgem Romera". E...sta bariante fui arreculhida por Serrano Baptista, an Malhadas, na década de 30, de l passado seclo. Bibe i... pintou-se puls ninos de l 2º anho de la EB1 de Miranda de l Douro.  
 
 

 

Manhana de San Juan- 

L die bieno mesmo a calhar... L San Juan, la fiesta de l solestício de berano... ye un die que ten mais que sardinas, porros alhos, martielhos i balones... Na Tierra de Miranda abúltian muitas cuontas acerca deste die, que un die fui "mágico". Era pul San Juan que uas moças guapas i chenas de riqueza, que le chamában Ancantos, salien al mundo de la giente mortal a spera que algun baliente les quebrasse l ancanto, l "fatum" que carregában a las cuostas. An troca de tal balentie recebien muitas riquezas. Poucos écran ls balientes! Pul San Juan, habie pessonas que las bien a pendáren ls sous pelos de ouro al pie de peinhas, lhapes, piçarras, rigueiros, fuontes i bielhas. Outras fazien rugir ls telares de ouro, onde urdien guapas telas feitas cun esse minério. Habie-las q'éran afamadas questureiras i buonas filadeiras. Habie-las assustadores i que metien grima, pus éran meio mulhieres, meio queluobras ó solo queluobras. Tamien habie filos de ouro que aparecien a la tona de la auga an alguas fuontes...pula manhana...pul lhuçque-fusque! Era un tiempo an que la giente mais bielha i sabedora iba, neste die de San Juan, pa l monte, a saber de las yerbas pra fazer las melhores malzinas pra sanar las maleitas de todo l anho! Siempre pul San Jan, pula manhana...pul lhuçque-fusque... YE ESTE L MIU SAN JUAN

 

 
Dona Fluménia-
Ye outro remanse guapo, subeijamente coincido i (era) cantado na Tierra de Miranda. Muitas de las bezes usába-se la mesma música (ou melodie) pra cantar un, dous, trés ou mais remanses defrentes. Noutras partes de Trás ls M...ontes, l remanse Dona Fluménia ye tamien coincido por "Dona Filomena". L tema ye l de la mulhier traidora. Esta bariante fui recolhida por Serrano Baptista ne l pobo de Malhadas, puls anhos 30, de l seclo passado. Eiqui queda esta Dona Fluménia, lida i zenhada puls studantes de l 3º anho de la EB1 de Miranda de l Douro.    
 

 

 

 

 

 

 
                 
publicado por mirandaeb1 às 15:56